fagen suluki

fagen suluki

11 darussa

Wannan  fage ne dake bada kulawa wajen yada kyawawan dabiu, da nisantarwa daga munanna dabiu, ta hanyar bayanin irin kyawawan dabiun musulunci, da tsamo su karkashin shaksiyar manzon Allah s.a.w ,wanda aka aiko domin ya cika kyawawan dabiu. sannan za a bijiro da munanan dabiu da bayanin su kamar tabarruji, da shaye-shayen barasa, da bayanin matsayar musulunci game da su, da kuma yadda ya fuskance su.

Hadarin mummunar shiga ga ya-mace musulma

Allah madaukakin sarki yayi umarni acikin littafinsa me girma da katanguwar mata ,da lazimtar gidajensu,hakanan ya tsoratar dasu daga mummunar shiga da siranta magana ga mazace, domin kiyaye su daga fadawa cikin barna, da fadakar dasu daga sabubban barna. Lallai mummunar shigar mace, sharri ne me girman gaske gare ta da kuma alumma gaba daya,kuma babu abinda zai kiyaye mutuncin ya-mace face hijabin ta da kunyar ta.

0
Tsoratarwa daga laifuffukan harshe

Harshe niima ne daga cikin niimomin Allah a bayinsa, don haka ne ya wajabta akan bayi suyi godiya game da wannan niimar, wajen lura da hakkokin Allah game da shi, mutum ya kame shi daga barin abinda zai fusata ubangijinsa, hakanan yayi amfani dashi cikin abinda ze yardar da Allah. Hakika muhimmancin da manzon Allah ya baiwa wannan harshe baze kirgu ba, domin ya nuna cewa kiyaye harshe, ja-gaban dukkan alherai ne, kuma yana yawan nanatawa iyalinsa hakan, kai mafi yawan abinda ze shigar da mutane wuta ma , daga santsin harshensu ne. Don haka sai a kiyaye.

0
Tsawatarwa game da fitinar mata

Yanzu mafi yawancin matanmu sun fice daga bin shiriyar addini mikakke da hanya madaidaiciya, sun koma bin bayyananniyar hanyar 'bata wadda za ta jefa su a cikin wutar hawiya. Shi yasa musulunci baiyi watawata ba wajen bayyana hatsarin hakan tare da kama hannunsu domin hanyar tsira.!

0
Tuba daga barin sa’bo

Idan kazanta da dauda suka yawaita a tufafin sawa, me kake tunani da wannan tufa? To haka ma zuciya take, miye tunanin ka idan zunubbai suka cushe ta,da karancin istigfari da tuba? Lallai mumini baya rasa zunubbai, kuma ba sharadi bane ya zama maasumi, saidai ya zama wajibi ya zama me dimantar tuba da komawa zuwa ga Allah. Kuma zuciyar da ke lefi baya tuba, kamar tufa ne da ba a wanke ta, don haka duk mai son zuciyarsa ta wanku, sai ya dawwama wajen tuba da istigfari.

0
Tasirin Laifuka A Rayuwar Dan Adam

Hakika laifuka da dan Adam yake yi, da sabon Allah, dare da rana, suna rugurguza rayuwar dan Adam, saboda tsayuwar rayuwa da ingancinta, ya dogara ne kacokam a kan biyayya ga Allah da daidaito a kan al’amarinsa, da kuma lazimtar shari’arsa. Duk wanda ya karkace wa addinin Allah, duk wanda ya bi Shaidan, to yana bin abin da ba shi da tabbas ne, yana bin abin da zai jawo masa takaici, musamman yayin da zai hadu da Ubangijinsa.

0