fagen suluki

fagen suluki

11 darussa

Wannan  fage ne dake bada kulawa wajen yada kyawawan dabiu, da nisantarwa daga munanna dabiu, ta hanyar bayanin irin kyawawan dabiun musulunci, da tsamo su karkashin shaksiyar manzon Allah s.a.w ,wanda aka aiko domin ya cika kyawawan dabiu. sannan za a bijiro da munanan dabiu da bayanin su kamar tabarruji, da shaye-shayen barasa, da bayanin matsayar musulunci game da su, da kuma yadda ya fuskance su.

Kwadaitarwa Wajen Neman Halal Da Nisantar Haram

Hakika Allah Madaukakin Sarki ya halatta mana dadadan abubuwa, ya haramta mana munanan abubuwa, masu cutar da jikinmu da hankulanmu, babu ko shakka halal shi ne abin da ya zama mai dadi a karan – kansa, kuma babu cutarwa a cikinsa, sannan aka same shi ta hanyar da shariaa ta yarda da ita. Haramun kuwa shi ne abin da yake mai cutarwa a karan – kansa, wanda Allah da Manzonsa suka haramta shi, ko kuma aka same shi ta hanyar da sharia ta haramta.

0
Rahama

Hakika jin kai da rahama siffofine guda biyu daga cikin siffofin Ubangiji madaukaki, kuma sunayene daga cikin sunayensa mafiya kyau, shi yasa ya siffantu dasu, kuma ya umarci bayinsa da siffantuwa dasu, domin samar da tausayi da rangwame tsakaninsu.

0
Tsoratarwa daga laifuffukan harshe

Harshe niima ne daga cikin niimomin Allah a bayinsa, don haka ne ya wajabta akan bayi suyi godiya game da wannan niimar, wajen lura da hakkokin Allah game da shi, mutum ya kame shi daga barin abinda zai fusata ubangijinsa, hakanan yayi amfani dashi cikin abinda ze yardar da Allah. Hakika muhimmancin da manzon Allah ya baiwa wannan harshe baze kirgu ba, domin ya nuna cewa kiyaye harshe, ja-gaban dukkan alherai ne, kuma yana yawan nanatawa iyalinsa hakan, kai mafi yawan abinda ze shigar da mutane wuta ma , daga santsin harshensu ne. Don haka sai a kiyaye.

0
Tasirin Laifuka A Rayuwar Dan Adam

Hakika laifuka da dan Adam yake yi, da sabon Allah, dare da rana, suna rugurguza rayuwar dan Adam, saboda tsayuwar rayuwa da ingancinta, ya dogara ne kacokam a kan biyayya ga Allah da daidaito a kan al’amarinsa, da kuma lazimtar shari’arsa. Duk wanda ya karkace wa addinin Allah, duk wanda ya bi Shaidan, to yana bin abin da ba shi da tabbas ne, yana bin abin da zai jawo masa takaici, musamman yayin da zai hadu da Ubangijinsa.

0
Tuba daga barin sa’bo

Idan kazanta da dauda suka yawaita a tufafin sawa, me kake tunani da wannan tufa? To haka ma zuciya take, miye tunanin ka idan zunubbai suka cushe ta,da karancin istigfari da tuba? Lallai mumini baya rasa zunubbai, kuma ba sharadi bane ya zama maasumi, saidai ya zama wajibi ya zama me dimantar tuba da komawa zuwa ga Allah. Kuma zuciyar da ke lefi baya tuba, kamar tufa ne da ba a wanke ta, don haka duk mai son zuciyarsa ta wanku, sai ya dawwama wajen tuba da istigfari.

0