Fagen imani

Fagen imani

18 darussa

Wannan fage ne dake bada kulawa wajen  karfafa imanin bawa da ubangijin sa, ta hanyar sanin sunayen Allah da siffofin sa, da waiwayar alamu da Allah keda su a wannan duniya, wanda hakan ze kulla alaqa tsakanin bayi da ubangijin su, ta hanyar tawakkali da shi, da tsoron kamun shi, da fatar rahamar shi, sai bawa yayi rayuwa wadda take me natsuwa, me cike da yarda da imani.

Lazimtar Sunnar Annabi  s.a.w

Hakika musulunci ya lazimtawa musulmi lazimtar sunnar manzon Allah saw a kowane irin yanayi, kuma wannan shi zai baiwa musulmi kusanci da ubangijinsa, da samun yardarsa a nan duniya da lahira.

0
Alamomin Tashin Qiyama

Imani da ranar lahira rukuni ne cikin rukunnan imani, kuma imanin mutum baya cika har sai yayi imani da alamomin tashin kiyama, domin kiyamar ba zata auku ba sai sun faru. Hakika da dama daga cikin alamomin kiyama da manzon Allah s.a.w ya bada labarinsu sun bayyana, wanda hakan na nuni ne da kusantowarta. Don haka ya zama wajibi ga mutane su dawowa addininsu, kuma su fuskanci ubangijinu, domin idan ta zo, lallai imanin wata rai bazai amfane ta ba matukar batayi imanin ba kafin wannan lokaci.

0
Rayuwa bayan mutuwa

Da yawa daga cikin mutane suna zaton idan sun mutu aka binne su shi ke nan rayuwa ta qare daga nan. Wannan fahimta an gina ta a kan kuskure babba kuma mummuna.

0
Imani Da Qaddara

Babu hutu da kwanciyar hankali ga bawa a wannan rayuwa ta duniya sai yayi imani da kaddarar Allah. Wato ya sakankance cewa duk abinda Allah ya kaddara mai aukuwa ne, kuma abinda be so faruwar sa ba, to hakika bazai faru ba. Haka kuma lallai aluma da zata taru gaba daya domin ta cutar da bawa da wani abu, to ba zasu iya ba saidai da abinda Allah ya rubuta zai same shi. Hakanan da zasu hadu domin su amfanar dashi, ba zasu iya ba face da abinda Allah ya rubuta.

0
Tsoro Tare Da Kyakkyawan Fata

Allah ya halacci wuta kuma ya tsawatarwa bayinsa game da ita domin su tsorace shi, hakanan ya halicci aljanna kuma ya kwadaitar game da ita don su yi fatanta, Shi tsoron azabar Allah abu na me tunzura zuciya zuwa kowane alheri,kuma mai katange ta daga kowane sharri, hakanan fatar rahamar Allah, abune mai jagorantar bawa zuwa ga yardar ubangiji da falalarsa, kuma mai harzuka himmar mutum ne zuwa ga ayyuka kyawawa, kuma mai kawar dashi ne daga munanan ayyuka.

0