Fagen imani

Fagen imani

18 darussa

Wannan fage ne dake bada kulawa wajen  karfafa imanin bawa da ubangijin sa, ta hanyar sanin sunayen Allah da siffofin sa, da waiwayar alamu da Allah keda su a wannan duniya, wanda hakan ze kulla alaqa tsakanin bayi da ubangijin su, ta hanyar tawakkali da shi, da tsoron kamun shi, da fatar rahamar shi, sai bawa yayi rayuwa wadda take me natsuwa, me cike da yarda da imani.

Wasu Daga Cikin Ayoyin Halittun Allah

Lallai tunani da izina game da ayoyin Allah a wannan duniya yana gadarwa dan adam imani da kudurar Allah da kadaituwarsa a duniyar nan. Kuma hakika Allah madaukakin sarki ya kwadaitar da mu game da hakan a littafinsa, don haka ya umarce mu da duba zuwa ga halittun sammai da kassai da duwatsu da sauran ayoyinsa, domin bayi su san cewa fa lallai wannan duniya tana da mahalicci me sarrafa ta, wanda shi kadai ya cancanci kadaitawa da ibada.

0
Amfanin Tsoron Allah A Rayuwar Musulmi

Tsoron Allah (takawa) shine wasiyyan da Allah yayi wa mutanen farko da na karshe, kuma shine kiran annabawa, kuma tutar masoya Allah. Takawa itace bawa ya sanya shinge tsakaninsa da abinda yake tsoro , don haka mai takawa shine wanda ya sanya shinge da kariya da ayyuka na gargari tsakaninsa da azabar Allah, sai ka ganshi yana nesa da haramtattun alamura, sannan yana gaugawa wajen aikata ayyukan alheri; don haka sai yayi rayuwa amintatta gangariya a nan duniya, a can lahira kuma ya samu matsayi madaukaki .

0
Yin Aiki Don Allah Da Bayanin Muhimmancin sa

Yin aiki don Allah abin nema ne babba, kuma yin ko-in-kula dashi hadari ne wawakeke, domin Allah baya karbar aiki sai ya zama aiki ne kyakkyawa, kuma aka yisa domin shi. Don haka dukkan wanda yayi wani aiki yayi tarayyar Allah da wani ciki, to fa lallai Allah baze amsa wannan aiki ba duk yawanshi kuwa, amma dukkan wanda yayi aiki don Allah, ta lallai Allah zai amshi wannan aiki duk karancinsa.

0
Daidaito akan koyarwar alqurani da sunnah

Musulunci yayi fice da zama addini daidaitacce na tsaka-tsaki tsakanin alummu, shi yasa wannan aluma tayi fice akan sauran, don haka shima musulmi ya zama wajibi ya zama mai daidaituwa a dukkan alamuranshi na rayuwa.

0
Gargadi Akan bidia

Bidi'a babbar hatsari ce a cikin addini domin tana canza addini, wannan ya sanya wajibi a gargadi mutane game da kirkirar bidi’a a addini. Akwai kuma Bayanin wasu daga cikin abubuwan da suke jawo bidi’a a addini.

0