Fagen imani

Fagen imani

18 darussa

Wannan fage ne dake bada kulawa wajen  karfafa imanin bawa da ubangijin sa, ta hanyar sanin sunayen Allah da siffofin sa, da waiwayar alamu da Allah keda su a wannan duniya, wanda hakan ze kulla alaqa tsakanin bayi da ubangijin su, ta hanyar tawakkali da shi, da tsoron kamun shi, da fatar rahamar shi, sai bawa yayi rayuwa wadda take me natsuwa, me cike da yarda da imani.

Tsoro Tare Da Kyakkyawan Fata

Allah ya halacci wuta kuma ya tsawatarwa bayinsa game da ita domin su tsorace shi, hakanan ya halicci aljanna kuma ya kwadaitar game da ita don su yi fatanta, Shi tsoron azabar Allah abu na me tunzura zuciya zuwa kowane alheri,kuma mai katange ta daga kowane sharri, hakanan fatar rahamar Allah, abune mai jagorantar bawa zuwa ga yardar ubangiji da falalarsa, kuma mai harzuka himmar mutum ne zuwa ga ayyuka kyawawa, kuma mai kawar dashi ne daga munanan ayyuka.

0
Lazimtar Sunnar Annabi  s.a.w

Hakika musulunci ya lazimtawa musulmi lazimtar sunnar manzon Allah saw a kowane irin yanayi, kuma wannan shi zai baiwa musulmi kusanci da ubangijinsa, da samun yardarsa a nan duniya da lahira.

0
Gargadi Akan bidia

Bidi'a babbar hatsari ce a cikin addini domin tana canza addini, wannan ya sanya wajibi a gargadi mutane game da kirkirar bidi’a a addini. Akwai kuma Bayanin wasu daga cikin abubuwan da suke jawo bidi’a a addini.

0
Rayuwar Lahira Itace Rayuwa Ta Haqiqa

Lallai kowane mai rai ya san karshensa mutuwa ne,don haka, dan Adam yana da gidaje biyu: Gidan duniya, wanda ba na tabbata ba ne, da gidan lahira, wanda shi ne dahir. Duniya, komai tsawon da ta yi, mai karewa ce, ita da duk abin da yake cikinta, don haka, mai hankali shi ne wanda yake kallon duniya a matsayin tasha-tasha, da zai yi guzuri don lahira.

0
Imani Da Qaddara

Babu hutu da kwanciyar hankali ga bawa a wannan rayuwa ta duniya sai yayi imani da kaddarar Allah. Wato ya sakankance cewa duk abinda Allah ya kaddara mai aukuwa ne, kuma abinda be so faruwar sa ba, to hakika bazai faru ba. Haka kuma lallai aluma da zata taru gaba daya domin ta cutar da bawa da wani abu, to ba zasu iya ba saidai da abinda Allah ya rubuta zai same shi. Hakanan da zasu hadu domin su amfanar dashi, ba zasu iya ba face da abinda Allah ya rubuta.

0