Fagen ibadu

Fagen ibadu

12 darussa

Wannan fage ne dake bada kulawa wajen bayanin alaqar musulmi da ubangijin sa ta bangaren ibada, da bayanin matukar alaqar da ke akwai tsakanin ibada da rayuwar mutane, hakan kuwa ta hanyar bayanin falalar kaskantar da kai da muhimmancin sa, da bayanin falalar wasu daga cikin ibadu , da karfafa muhimmancin karantarwar musulunci, da tsoratarwa daga fararrun abuwa.

Hikimomi Da Sirrin Dake Cikin Aikin Hajji

Shin akwai wanda ya taba ganin hajji da irin tumbatsar sa, da imani da irin hasken sa, da irin tarin jamaar da tazo domin girmama Allah da godiya gare shi? Hakika taron hajji taro ne me ban mamaki, musulmi suna masu farin-ciki da walkatuwa dashi, hakanan makadaita suna daukaka dashi. Don haka yaku musulmai menene manufofin hajji tattare daku?

0
Tarbar watan ramalana

Watan ramalana wata ne mai girma, cikinsa ne ake bude kifofin aljannu, kuma ake rufe kofofin wuta, wani irin wata ne da Allah ya fifita shi akan sauran watanni, cikinsa ne Allah yake wa mutane falala iri-iri domin ya bude musu kofofin fata da sa ran yanta su daga wuta.Allah yakan yanta wasu daga cikin bayinsa daga wuta , a kowane dare daga cikin dararen sa. Don haka ya dace ga kowane musulmi yayi kyakkyawan tanadi ga wannan wata mai alfarma kafin zuwansa, domin shi bakone mai daraja, baya zuwa sai so daya a shekara.

0
Zakka, Hikimominta Da Hukunce-hukuncenta

Hakika yana daga hikimar Ubangiji mai girma, cewa ya sassa'ba tsakanin bayinsa a cikin halayensu da arzikinsu, hakika Ubangijinku Mai hikima ne Masani. Sai ya yalwatawa sashinsu arziki, ya sanya sashi koma bayan haka.hakika Allah Mabuwayi, ya wajabta wa mawadaci hakki da zai ba wa talakawa, sanna hakki ga roko da ma wanda ba ya roko. Allah ya wajabta wani hakki a dukiyar mawadata, da za su ba wa ‘yan’uwansu talakawa, don su tallafe su da shi, kuma ya sanya wannan rukuni ne daga rukunan musulunci,

0
Maanar ibada a musulunci

Hakika maanar ibada a addinin musulunci maana ce da ta game dukkan abubuwan alherin duniya da lahira, domin hakikanin ibada, suna ne da ya hada dukkan wasu maganganu ko ayyuka wadanda Allah ke sonsu kuma ya yarda dasu. Shi musulmi yana da yakini a wannan gida na duniya cewa shi bawa ne na Allah hakikanin bauta, don haka ne ma yake tashi tsaye domin ya tabbatar da samuwar wannan bauta domin ya kasance cikakken bawa na ubangijin sa; domin girman bawa da falalar sa ,suna tabbata ne idan ya kasance bawa na gari,yana me misalta umarnin Allah, me nisantar haninsa a dukkan alamuran sa na addini da rayuwa.

0
Goman qarshe na ramadan

Watan Ramadan wata ne mai girma, wata ne da ake bude kifofin aljanna a cikin sa, hakanan ake kulle kofofin wuta. Hakika Allah ya kebanci wannan wata da doriyar falala kasantuwar sanya dare daya da yayi a cikin shi ya zama mafi alheri akan watanni dubu, wato lailatul kadari, wanda yake dare ne cikin dararen goman karshe. Don haka ne ma manzon Allah s.a.w yake dagewa da ibada cikin wannan ranaku irin dagewan da baya irin sa a wasun su don yayi gamdakatar da wannan dare. Saboda haka ya zama wajibi ga dukkan musulmi ya kara kwadayi kwarai da gaske wajen ribatar wadannan darare masu albarka,musamman yayi itikafi cikin su,don yana cikin mafifitan ayyuka a cikin wadannan darare.

0