Fagen ibadu

Fagen ibadu

12 darussa

Wannan fage ne dake bada kulawa wajen bayanin alaqar musulmi da ubangijin sa ta bangaren ibada, da bayanin matukar alaqar da ke akwai tsakanin ibada da rayuwar mutane, hakan kuwa ta hanyar bayanin falalar kaskantar da kai da muhimmancin sa, da bayanin falalar wasu daga cikin ibadu , da karfafa muhimmancin karantarwar musulunci, da tsoratarwa daga fararrun abuwa.

Goman qarshe na ramadan

Watan Ramadan wata ne mai girma, wata ne da ake bude kifofin aljanna a cikin sa, hakanan ake kulle kofofin wuta. Hakika Allah ya kebanci wannan wata da doriyar falala kasantuwar sanya dare daya da yayi a cikin shi ya zama mafi alheri akan watanni dubu, wato lailatul kadari, wanda yake dare ne cikin dararen goman karshe. Don haka ne ma manzon Allah s.a.w yake dagewa da ibada cikin wannan ranaku irin dagewan da baya irin sa a wasun su don yayi gamdakatar da wannan dare. Saboda haka ya zama wajibi ga dukkan musulmi ya kara kwadayi kwarai da gaske wajen ribatar wadannan darare masu albarka,musamman yayi itikafi cikin su,don yana cikin mafifitan ayyuka a cikin wadannan darare.

0
Tarbar watan ramalana

Watan ramalana wata ne mai girma, cikinsa ne ake bude kifofin aljannu, kuma ake rufe kofofin wuta, wani irin wata ne da Allah ya fifita shi akan sauran watanni, cikinsa ne Allah yake wa mutane falala iri-iri domin ya bude musu kofofin fata da sa ran yanta su daga wuta.Allah yakan yanta wasu daga cikin bayinsa daga wuta , a kowane dare daga cikin dararen sa. Don haka ya dace ga kowane musulmi yayi kyakkyawan tanadi ga wannan wata mai alfarma kafin zuwansa, domin shi bakone mai daraja, baya zuwa sai so daya a shekara.

0
Ranar Juma’a

Ranar jumaa itace mafi alherin dukkan wata rana da rana ta fito a cikinta. cikinta Allah ya halicci Adam, cikinta ne kiyama zata tsayu, kuma ita ranar idi ice ga musulmai.Don haka nema aka sharanta wasu abubuwa acikinta, daga ciki akwai: hudubar jumaa, wanka, fesa tirare, fita cikinta da mafi kyawun kaya da yanayi me kyau, yin kabarbari lokacin fita sallar, kusantar liman, da kuma tara tunani gaba daya domin sauraren wa'azi da ambato (wato huduba).

0
Muhimmancin salla da hikimar sharanta ta

Salla itace ginshikin addini kuma mafi girman rukuni bayan kalmar shahada,kuma itace abin da za a fara wa bawa sakamako a kanshi ranar tashin kiyama , kuma itace wasiyyar karshe da manzon Allah s.a.w yayi wa alumar sa kafin rasuwar sa, kai saboda girman ta ma sahabbai sun kasance suna kirga wanda baya halartar salla tare da jamaa cikin munafukai. Abu mafi girma dake nuna muhimmancin sallah shine yanda aka farlanta ta tun daga saman bakwai ba tare da wani shamaki ba.

0
Maanar ibada a musulunci

Hakika maanar ibada a addinin musulunci maana ce da ta game dukkan abubuwan alherin duniya da lahira, domin hakikanin ibada, suna ne da ya hada dukkan wasu maganganu ko ayyuka wadanda Allah ke sonsu kuma ya yarda dasu. Shi musulmi yana da yakini a wannan gida na duniya cewa shi bawa ne na Allah hakikanin bauta, don haka ne ma yake tashi tsaye domin ya tabbatar da samuwar wannan bauta domin ya kasance cikakken bawa na ubangijin sa; domin girman bawa da falalar sa ,suna tabbata ne idan ya kasance bawa na gari,yana me misalta umarnin Allah, me nisantar haninsa a dukkan alamuran sa na addini da rayuwa.

0